სანზონაში გარდაცვლილი 4 წლის გოგონას დედის, ლელა ქსოვრელის აღკვეთის ღონისძიების შეფარდებაზე თბილისის საქალაქო სასამართლო ამ წუთებში მსჯელობს.

ლელა ქსოვრელის ადვოკატის განმარტებით, მისი დაცვის ქვეშ მყოფი დუმილის უფლებით სარგებლობს, ის თავს დამნაშავედ არ ცნობს.

დაკავებულს ბრალი ოფიციალურად გუშინ, გვიან ღამით წაუყენეს, სისხლის სამართლის კოდექსის 11 პრიმა, 381 პრიმა მუხლის პირველი ნაწილით, რაც შემაკავებელი ორდერის დარღვევას გულისხმობს.

სანზონაში 4 წლის ბავშვი 22 იანვარს გარდაიცვალა. შსს-ს ინფორმაციით, გარდაცვლილი გოგონას დედა შემაკავებელი ორდერის დარღვევისთვის დააკავეს, მას არასრულწლოვანთან კონტაქტი ეკრძალებოდა.