თბილისის საქალაქო სასამართლო ჭიდაობის ფედერაციის პრეზიდენტის გეგა გეგეშიძის აღკვეთის ღონისძიების შეფარდების საკითხზე მსჯელობს.
პროკურატურამ სასამართლოს აღკვეთის ღონისძიების სახით 5000- ლარიანი გირაოს გამოყენების შუამდგომლობით მიმართა, ასევე, ითხოვს გეგეშიძეს აეკრძალოს ჭიდაობის პრეზიდენტის პრეზიდენტის პოსტზე საქმიანობის უფლება.
აღკვეთის ღონისძიების სახედ გირაოს გამოყენების ნაწილში პროკურორს ეთანხმება დაცვის მხარე, მაგრამ თანამდებობიდან გადაყენების ნაწილში - არა.
გეგა გეგეშიძეს ბრალი ოფიციალურად გუშინ წაუყენეს.
შეგახსენებთ, რომ საქართველოს ჭიდაობის ფედერაციის პრეზიდენტი თამაზ (გეგა) გეგეშიძე, სპორტის სასახლეში მასსა და ევროპის ჩემპიონს, ზურაბ დათუნაშვილს შორის მომხდარ ინციდენტთან დაკავშირებით სისხლის სამართლის კოდექსის 126-ე მუხლის 1-ელი ნაწილით დააკავეს, რაც ძალადობას გულისხმობს.