ირმა ჭკადუა - ყველამ დავინახეთ, როგორი აურზაურიც იყო იმ დღეს სპორტის სასახლეში, ამ აურზაურში რთულია გავიგოთ, ვინ ვის ურტყამდა

სასამართლოს გადაწყვეტილების შესაბამისად, ჭიდაობის ფედერაციის პრეზიდენტმა გეგა გეგეშიძემ გირაოს გადახდისთანავე უნდა დატოვოს სასჯელაღსრულების დაწესებულება,- ამის შესახებ ჟურნალისტებს საქმის ადვოკატმა ირმა ჭკადუამ პროცესის დასრულების შემდეგ განუცხადა. მისი განმარტებით, ეს ყველაფერი პროცედურულად დღესვე განხორციელდება.

"რაც შეეხება ჭიდაობის ფედერაციის პრეზიდენტის პოსტიდან გეგეშიძის გადაყენების მოთხოვნას, აბსოლუტურად სამართლიანი იყო, რომ სასამართლომ ის არ გადააყენა. ყველამ იცის ფედერაცის ის წარმატებები, რომელიც მისი პრეზიდენტობისას განხორციელდა", - განაცხადა ჭკადუამ.

ადვოკატის განმარტებით, დაცვის მხარე გამოძიებასთან თანამშრომლობს, ვინაიდან უნდა გაირკვეს სხეულზე დაზიანებები ვის მიერ მიადგა ადამიანებს. "სასამართლოში დღეს წარვადგინეთ ფორმა 100, სადაც წერია, რომ ბატონ გეგეშიძეს დაადეს ნაკერები. ყველამ დავინახეთ, როგორი აურზაურიც იყო იმ დღეს სპორტის სასახლეში. ამ აურზაურში რთულია გავიგოთ, ვინ ვის ურტყამდა. როცა ვამოვა, თავად გააკეთებს განცხადებას. ჩვენ ვთანამშრომლობთ გამოძიებასთან. არის ზღვა მასალა, გამოთხოვილია პირდაპირი ტრანსლაცია, უნდა დავსხდეთ, ვნახოთ როგორც ადვოკატებმა, ისე პროკურატურამ. უნდა გამოიძის პროკურატურამ ვინ ვის რა სახის დაზიანება მიაყენა.

რაც შეეხება სასამართლოს გადაწყვეტილებას, ჩვენ გამომდინარე იქიდან, რომ ყველაზე მეტად დაინტერესებული მხარე ვართ, ამ საქმეზე დადგინდეს ობიექტურობა, უნდა გაირკვეს ვის მიერ მიადგა ადამიანს დაზიანება და საერთოდ, ეს დაზიანება ინციდენტის დროს იყო მიღებუული, თუ ტატამზე მიღებული დაზიანება იყო. ყველაფერს აქვს მნიშვნელობა. ამას საგამოძიებო ორგანიები გამოიძიებენ", - განაცხადა ჭკადუამ.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“