საქართველოს პარლამენტის საგარეო ურთიერთობათა კომიტეტის თავმჯდომარე სოფიო ქაცარავა ვენესუელას სრულ მხარდაჭერას უცხადებს.
როგორც „ინტერპრესნიუსს“ საქართველოს პარლამენტიდან აცნობეს, სოფიო ქაცარავა დროებით პრეზიდენტს ხუან გუაიდოს ქვეყნის დამოუკიდებლობის, დემოკრატიული განვითარების და თავისუფლებისთვის ბრძოლაში წარმატებებს უსურვებს.
„სრულ მხარდაჭერას ვუცხადებ და წარმატებას ვუსურვებ ვენესუელელ ხალხს და მათ დროებით პრეზიდენტს ხუან გუაიდოს ქვეყნის დამოუკიდებლობის, დემოკრატიული განვითარებისა და თავისუფლებისთვის ბრძოლაში! იმედი მაქვს, რომ ვენესუელის ლეგიტიმური მთავრობა იმოქმედებს საერთაშორისო სამართლის პრინციპებით, რაც, მათ შორის, ითვალისწინებს ქვეყნების სუვერენიტეტის, ტერიტორიული მთლიანობისა და საზღვრების ურღვევობის პრინციპის მხარდაჭერას“, - აცხადებს ქაცარავა.