ნიდერლანდების სამეფოს პრემიერი საქართველოს მთავრობის ნაბიჯებს, დემოკრატიული ტრანსფორმაციისა და ეკონომიკური განვითარების მიმართულებით, პოზიტიურად აფასებს

ნიდერლანდების სამეფოს პრემიერ-მინისტრი საქართველოს მთავრობის ნაბიჯებს, დემოკრატიული ტრანსფორმაციისა და ეკონომიკური განვითარების მიმართულებით, პოზიტიურად აფასებს, - ამის შესახებ მარკ რუტემ საქართველოს პრემიერ-მინისტრ მამუკა ბახტაძესთან შეხვედრაზე განაცხადა, რომელიც დავოსის მსოფლიო ეკონომიკური ფორუმის ფარგლებში გაიმართა.

როგორც „ინტერპრესნიუსს“ საქართველოს მთავრობის ადმინისტრაციიდან აცნობეს, მხარეებმა საქართველოს ევროპული და ევროატლანტიკური დღის წესრიგზე და ამ კუთხით ქვეყნის მიერ მიღწეულ პროგრესზე ისაუბრეს.

ჰოლანდიის პრემიერ-მინისტრი ასევე დაინტერესდა რეგიონში არსებული ვითარებით და იმ გამოწვევებით, რომელთა წინაშე საქართველო დგას.მთავრობის ადმინისტრაციის ცნობით, მარკ რუტემ ქართველ კოლეგას საქართველოს ტერიტორიული მთლიანობისა და სუვერენიტეტისადმი მტკიცე მხარდაჭერა დაუდასტურა.

მამუკა ბახტაძემ ნიდერლანდების სამეფოს პრემიერ-მინისტრს მხარდაჭერისთვის მადლობა გადაუხადა და იგი საქართველოში მიიწვია.

პრემიერ-მინისტრების შეხვედრას საქართველოს საგარეო საქმეთა მინისტრი დავით ზალკალიანი დაესწრო.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს