სალომე ზურაბიშვილი - თუ აშშ-ს პრეზიდენტი რუსეთის პრეზიდენტს შეხვდება, ჩვენი საკითხი მათი მოლაპარაკებების დღის წესრიგში უნდა იყოს

თუ ამერიკის პრეზიდენტი რუსეთის პრეზიდენტს შეხვდება, ჩვენი საკითხი ასევე უნდა იყოს მათი მოლაპარაკებების დღის წესრიგში, - ამის შესახებ საქართველოს პრეზიდენტმა სალომე ზურაბიშვილმა გამოცემა Financial Times-ისთვის მიცემულ ინტერვიუში განაცხადა.

„ჩვენ გვჭირდება, რომ ანგარიში გაგვიწიონ, მოგვისმინონ და თუ ამერიკის პრეზიდენტი რუსეთის პრეზიდენტს შეხვდება ჩვენი საკითხი ასევე უნდა იყოს მათი შეხვედრის დღის წესრიგში“, - განაცხადა სალომე ზურაბიშვილმა.

ინტერვიუში საქართველოს პრეზიდენტმა ასევე აღნიშნა, რომ როგორც კი მოწვევას მიიღებს ამერიკაში ვიზიტით გაემგზავრება.

სალომე ზურაბიშვილმა ასევე გამოთქვა სურვილი ნატო-სთან კავშირის გაღრმავება მოხდეს შავი ზღვის რეგიონში უსაფრთხოების უზრუნველყოფის კუთხით.

„რაც უფრო მეტს ვიღებთ ნატო-სგან, მით უფრო მეტად დაცულად ვგრძნობთ თავს“, - ხაზგასმით აღნიშნა საქართველოს პრეზიდენტმა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა