საგარეო უწყება მიხაილ ავაქიანის ძეგლთან დაკავშირებით - საქართველოსა და აზერბაიჯანს შორის კომუნიკაცია შედგა - ამ თემის ირგვლივ აჟიოტაჟის ატეხვა ზედმეტია

საქართველოს საგარეო საქმეთა სამინისტროს ინფორმაციით, ახალქალაქში, ყარაბაღის ომის მონაწილის, მიხაილ ავაქიანისთვის ძეგლის დადგმასთან დაკავშირებით, საქართველოსა და აზერბაიჯანს შორის კომუნიკაცია შედგა.

როგორც „ინტერპრესნიუსს“ საქართველოს საგარეო საქმეთა სამინისტროში განუცხადეს, ორ ქვეყანას შორის არ არსებობს თემები, რაზეც კომუნიკაცია არ არის.

„გავრცელებულ ინფორმაცისთან დაკავშირებით შედგა კომუნიკაცია და ინფორმაციის გაცვლა როგორც საქართველოში, ასევე აზერბაიჯანში, ელჩების მეშვეობით.

აზერბაიჯანი გახლავთ საქართველოს სტრატეგიული პარტნიორი და ჩვენს შორის არ არსებობს თემები, რაზეც არ გვაქვს კომუნიკაცია, ეს არის ურთიერთობის ჩვეულებრივი ფორმა და ამ თემის ირგვლივ აჟიოტაჟის ატეხვა ზედმეტია“, - აცხადებენ სამინისტროში.

მედიაში გავრცელებული ინფორმაციით, ბაქოში პოლიტიკოსების და საზოგადოების ნაწილის მხრიდან მწვავე რეაქცია მოჰყვა ახალქალაქში, ყარაბაღის ომის მონაწილის, მიხაილ ავაქიანისთვის ძეგლის გახსნას, რომელსაც, არსებული ინფორმაციით, „ქართული ოცნების“ დეპუტატები: ენზელ მკოიანი და სამველ მანუკიანი ესწრებოდნენ.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 21.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)