კახა კალაძე - ყოფილი მერი გიგი უგულავა სხვა გადმოსახედიდან იყურებოდა და ქალაქისთვის დამაზიანებელ ნებართვებს გასცემდა

ყოფილი მერი გიგი უგულავა სხვა გადმოსახედიდან იყურებოდა და გასცემდა ქალაქისთვის დამაზიანებელ ნებართვებს, თუმცა საიდან იყურებოდა, ეს ჯერ ვერ დავაზუსტეთ, - ამის შესახებ თბილისის მერმა კახა კალაძემ განაცხადა.

კალაძემ აღნიშნულის შესახებ ვაკის პარკში სასტუმროს მშენებლობის ნებართვის გაცემაზე საუბრისას განაცხადა და გიგი უგულავას დროს გაცემული ნებართვები კიდევ ერთხელ გააკრიტიკა.

„მინდა მადლობა გადავუხადო ყველა იმ ადამიანს და აქტივისტს, ვინც პირველივე დღეებიდან ჩართული იყო და იცავდა ამ კონკრეტულ მწვანე სივრცეს, იცავდა ჩვენი ქალაქისთვის, თბილისისა და თბილისელებისთვის. მინდა მადლობა გადავუხადო რიგით თბილისელებს და ადამიანებს, ვისაც გული შესტკიოდა ამ მწვანე სივრცეზე. მინდა ასევე მადლობა გადავუხადო ინვესტორს, რომ გადმოდგა შემხვედრი ნაბიჯები და შეთანხმება იქნა მიღწეული. მსურს, ცოტა უკან დავბრუნდე და საზოგადოებას შევახსენო რა ხდებოდა ამ კონკრეტულ საქმესთან დაკავშირებით. როგორც მოგეხსენებათ, „ნაციონალური მოძრაობის“ მმართველობის დროს, 2013 წელს ამ კონკრეტულ ადგილზე იქნა გაცემული სპეციალური უვადო ნებართვა, ხოლო შემდეგ გაიცა მშენებლობის ნებართვა 30-მეტრიან სასტუმროზე, რომელიც დაახლოებით 8-9 სართულის არის. მაშინდელი მერი სხვა გადმოსახედიდან იყურებოდა და გასცემდა ქალაქისთვის დამაზიანებელ ნებართვებს, თუმცა საიდან იყურებოდა, ეს ჯერ ვერ დავაზუსტეთ. მე კიდევ ერთხელ მინდა მადლობა გადავუხადო ყველას. კარგად მაქვს გააზრებული, თუ რამხელა პასუხისმგებლობა გვაქვს აღებული ქალაქის წინაშე. ვაკის პარკის ეს კონკრეტული საქმე მაძლევს სტიმულს, რომ ბევრი რამის გამოსწორება არის შესაძლებელი. მთავარია მონდომება, საქმისადმი სიყვარული და პრინციპულობა. ყველაზე მთავარი კი არის თბილისელების თანადგომა და მხარდაჭერა ყოველდღიურ რეჟიმში, რასაც ჩვენ ვგრძნობთ. ამისთვის მადლიერი ვართ. მე დარწმუნებული ვარ, რომ ჩვენ ერთობლივი ძალებით შევძლებთ პრობლემების მოგვარებას, რაც ქალაქის წინაშე დგას“, - განაცხადა კალაძემ.

როგორც კახა კალაძემ განაცხადა, ვაკის პარკში სასტუმრო „ბუდაპეშტი“ აღარ აშენდება. მისივე თქმით, აღნიშნულ საკითხზე ინვესტორთან შეთანხმება მოხერხდა.

იხილეთ ვიდეო

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს