გია ჟორჟოლიანი - თუკი მოსამართლეობის კანდიდატების შერჩევის წესებზე შეთანხმება შედგება, ეს იმას არ ნიშნავს, რომ შეთანხმება მოხდება კანდიდატებზე

თუკი მოსამართლეობის კანდიდატების შერჩევის წესებზე შეთანხმება შედგება, ეს იმას არ ნიშნავს, რომ შეთანხმება მოხდება კანდიდატებზე, - ამის შესახებ ჟურნალისტებს ფრაქცია “ქართული ოცნება - სოციალ დემოკრატების“ თავმჯდომარემ გია ჟორჟოლიანმა განუცხადა.

ამასთან, დეპუტატი ელოდება, რომ “საერთო სასამართლოების შესახებ“ კანონში შესატან ცვლილებებთან დაკავშირებით პარლამენტში რამდენიმე საკანონმდებლო ინიციატივა იქნება წარდგენილი.

“ახლა მსჯელობა იმის თაობაზე მიმდინარებს, თუ როგორი კრიტერიუმების მიხედვით უნდა მოხდეს უზენაესი სასამართლოს მოსამართლეთა არჩევა. ვერ გეტყვით, მოხდება თუ არა საბოლოო შეთანხმება. მსჯელობა გაგრძელდება და შეიძლება პროცესი დღესაც არ დასრულდეს. თუ წესებზე შეთანხმება შედგება, ეს იმას არ ნიშნავს, რომ შეთანხება მოხდება საბოლოოდ კანდიდატებზე - ამ წესების მეშვეობით შეიძლება არ იყოს წარმოდგენილი ისეთი კანდიდატები, რომელზეც შეთანხმება იქნება უზრუნველყოფილი“, - განუცხადა ჟურნალისტებს გია ჟორჟოლიანმა.

უზენაესი სასამართლოს მოსამართლეების არჩევასთან დაკავშირებულ საკითხებზე პარტია “ქართულ ოცნებაში“ უმრავლესობის სხდომა მიმდინარეობს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა