იმედი მაქვს, მოსამართლეთა უვადოდ დანიშვნის პროცესი 2024 წლამდე შეჩერდება, - აღნიშნული განცხადება ჟურნალისტებთან უმრავლესობის დეპუტატმა ლევან გოგიჩაიშვილმა გააკეთა.

გოგიჩაიშვილის ინფორმაციით, აღნიშნული საკითხზე განხილვა მიმდინარეობს და გუშინ გამართულ უმრავლესობის შეხვედრაზე საკითხის მიმართ დიდი მხარდაჭერა გამოიხატა.

დეპუტატის აზრით, “სისტემა უნდა დაიტესტოს და მოხდეს დაკვირვება, თუ როგორ მოიქცევიან მოსამართლეები - ვინ როგორ გამოიჩენს თავს“.

“ვთვლით, რომ ადამიანები, ვინც სააკაშვილისა და ადეიშვილს რეჟიმს ემსახურებოდნენ, იყვნენ იმ სისტმაში, მოსწონდათ, იღებდნენ ხელფასს, უზენაესს სასამართლოში უვადოდ განსამწესებლად არიან შეუფერებლები. ყველაზე მნიშვნელოვანი არის სწორედ ეს პრინციპი“, - აღნიშნა ლევან გოგიჩაიშვილმა.