საქართველოს პარლამენტის თავმჯდომარე ირაკლი კობახიძე ამერიკის შეერთებული შტატების ელჩის მოვალეობის შემსრულებელს როს უილსონს და ევროკავშირს ელჩს კარლ ჰარცელს შეხვდა.

როგორც „ინტერპრესნიუსს“ პარლამენტიდან აცნობეს, საუბარი მართლმსაჯულების სისტემის რეფორმას შეეხო და ყურადღება უზენაესი სასამართლოს მოსამართლეების დანიშვნის საკითხზე გამახვილდა.

მათივე ინფორმაციით, ელჩებმა საქართველოს პარლამენტის თავმჯდომარეს საკუთარი ინიციატივები და რეკომენდაციები გააცნეს.

მხარები შეთანხმდნენ, რომ პროცესის გამჭვირვალობისა და დაინტერესებული მხარეების აქტიური მონაწილეობის უზრუნველსაყოფად, თანამშრომლობა აქტიურად გაგრძელდება.

იხილეთ ვიდეო: ირაკლი კობახიძე აშშ-ის ელჩის მოვალეობის შემსრულებელსა და ევროკავშირის ელჩს შეხვდა