„ერთიანი ნაციონალური მოძრაობის“ ინფორმაციით, პარტია იუსტიციის სამინისტროს „რუსთავი 2“-ის დისკრიმინაციასა და პატიმართა უფლებების შელახვაში სდებს ბრალს.

როგორც განცხადებაშია აღნიშნული, საპარლამენტო ფრაქცია „ნაციონალურმა მოძრაობამ“, საქართველოს პარლამენტის რეგლამენტით მინიჭებული უფლებამოსილების ფარგლებში, საქართველოს იუსტიციის სამინისტროს სისტემაში შემავალ სპეციალურ პენიტენციურ სამსახურს მსჯავრდებულთათვის ინფორმაციის მიღების შეზღუდვასთან დაკავშირებით მიმართა.

კერძოდ, მოითხოვა განმარტება, „თუ რატომ ეზღუდებათ პატიმრებს ინფორმაციის მიღების თავისუფლება და რატომ არის გათიშული ტელეკომპანია „რუსთავი 2“-ის მაუწყებლობა სპეციალური პენიტენციური სამსახურის დაწესებულებებში“.

პარტიის ინფორმაციით, წერილით მოთხოვნილია ინფორმაცია, თუ რომელ პენიტენციურ დაწესებულებებში არ მაუწყებლობს ტელეკომპანია „რუსთავი 2“.