ვეტერანების საქმეთა სახელმწიფო სამსახურსა და ორგანიზაციას "ქართული ოცნება - ჯანმრთელი მომავალი" შორის მემორანდუმი გაფორმდა

ვეტერანების საქმეთა სახელმწიფო სამსახურსა და ა(ა)იპ ორგანიზაციას " ქართული ოცნება - ჯანმრთელი მომავალი" შორის ურთიერთთანამშრომლობის მემორანდუმი გაფორმდა, რომელიც 2019 წლის 31 დეკემბრამდე იმოქმედებს.

როგორც „ინტერპრესნიუსს“ ვეტერანთა სამსახურიდან აცნობეს, მემორანდუმი მიზნად ისახავს, ვეტერანებისთვის სათანადო ცხოვრების პირობების შექმნის უზრუნველყოფას და მათი სოციალური და ჯანმრთელობის მდგომარეობის გაუმჯობესების ხელშეწყობას.

მემორანდუმის ფარგლებში საქველმოქმედო აქციებში ვეტერანები ოჯახის წევრებთან ერთად ჩაერთვებიან და კვალიფიციური ქართველი და უცხოელი ექიმების მიერ სხვადასხვა სახის უფასო სამედიცინო მომსახურებებს მიიღებენ.

"დღეს ვეტერანების საქმეთა სახელმწიფო სამსახურთან გავაფორმეთ ურთიერთთანამშრომლობის მემორანდუმი. იმედი მაქვს, ჩვენი თანამშრომლობა იქნება ნაყოფიერი და წარმატებული. ეს მემორანდუმი ჩვენთვის ძალიან მნიშვნელოვანია, რადგან ვეტერანებთან ჩვენ ვართ ვალში. ჩვენი ვალდებულებაა დავეხმაროთ და მათ გვერდში დავუდგეთ“, - განაცხადა ორგანიზაციის " ქართული ოცნება - ჯანმრთელი მომავლის" პრეზიდენტმა, ქეთევან ბარათელმა.

მემორანდუმს ხელი ვეტერანების საქმეთა სახელმწიფო სამსახურის დირექტორმა, ვლადიმერ იმნაძემ და ა(ა)იპ ორგანიზაციის " ქართული ოცნება - ჯანმრთელი მომავლის" პრეზიდენტმა, ქეთევან ბარათელმა მოაწერეს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა