თბილისის საკრებულომ 2019 წლის დედაქალაქის ბიუჯეტის 72 მილიონი ლარით გაზრდას დაუჭირა მხარი

თბილისის საკრებულომ 2019 წლის დედაქალაქის ბიუჯეტის 72 მილიონი ლარით გაზრდას დაუჭირა მხარი. აქედან 62 მილიონი 2018 წლის ბიუჯეტის გაუხარჯავ თანხას წარმოადგენს. აღნიშნული თანხის ტრანსფერს საკრებულოს 34 დეპუტატმა დაუჭირა მხარი, 1 წინააღმდეგი წავიდა, კიდევ ერთმა კი თავი შეიკავა.

თბილისის საკრებულოს ბიუჯეტმა აღნიშნული ტრანსფერის ხარჯზე 1 მილიარდ ლარს გადააჭარბა.