ოთარ გრიგოლია - ვაკის პარკში სასტუმროს მშენებლობის გადაწყვეტილების საკითხი თბილისელების გამარჯვებით დასრულდა

ვაკის პარკში სასტუმროს მშენებლობის გადაწყვეტილების საკითხი თბილისელების გამარჯვებით დასრულდა, - ამის შესახებ საკრებულოს სხდომაზე ეკონომიკური განვითარების, საინვესტიციო პოლიტიკისა და საერთაშორისო ურთიერთობების კომისიის თავმჯდომარემ ოთარ გრიგოლიამ ვაკის პარკში სასტუმროს მშენებლობის გადაწყვეტილების გაუქმების საკითხთან დაკავსირებით განაცხადა.

მისი თქმით, მთავრობისა და საზოგადოების ერთობლივი მუშაობის შედეგად, ვაკის პარკში მშენებლობის ნებართვა გაუქმდა.

„წლების განმავლობაში, ჩვენს ქვეყანაში არ არსებობდა ბალანსი საჯარო და კერძო ინტერესებს შორის. აბსოლუტურად დარღვეული იყო საჯარო ინტერესი. სასიხარულოა ის ფაქტი, რომ ჩვენ ბოლო პერიოდში ვხედავთ თბილისის მერიის, საკრებულოს და პოლიტიკური გუნდის ერთობლივ მუშაობას, რომელიც სწორედ ამ ბალანსის აღდგენას ემსახურება. მინდა მადლობა გადავუხადო ყველას, ვინც მონაწილეობა მიიღო ვაკის პარკის დაცვაში. განსაკუთრებით კი იმ მოქალაქეებს, რომლებმაც მშენებლობის დაწყება გააპროტესტეს“, - განაცხადა ოთარ გრიგოლიამ.