გიორგი ჩაკვეტაძე - დედაქალაქის გაზრდილი ბიუჯეტით, მნიშვნელოვნად იზრდება სპორტის დაფინანსებაც

დედაქალაქის გაზრდილი ბიუჯეტით, მნიშვნელოვნად იზრდება სპორტის დაფინანსებაც, - ამის შესახებ თბილისის საკრებულოს სპორტის და ახალგაზრდულ საქმეთა კომისიის თავმჯდომარემ გიორგი ჩაკვეტაძემ საკრებულოს სხდომაზე დედაქალაქის ბიუჯეტის გაზრდის საკითხთან დაკავშირებით განაცხადა. მისი თქმით, თბილისის ბიუჯეტი 1 მილიარდ ლარს პირველად აჭარბებს.

„2019 წლის ბიუჯეტი 72 650,3 ათასი ლარით იზრდება. ინფრასტრუქტურა ისევ ერთ-ერთი პრიორიტეტია. სპორტის ნაწილში ბიუჯეტი 700 ათასი ლარით იზრდება და ჯამში 16 904 100 ლარს შეადგენს. მერიამ გაიზიარა საკრებულოს ეს პოზიციაც და ამ მატებასაც დღეს განვიხილავთ. კომისია და მერია ერთად ვმუშაობთ ამ თანხების კიდევ უფრო ეფექტურ ათვისებაზე“,- განაცხადა გიორგი ჩაკვეტაძემ.

სპორტის და ახალგაზრდულ საქმეთა კომისიის თავმჯდომარის ინფორმაციით, 2019-ში, ისევე როგორც გასულ წელს, თბილისში დაგეგმილია სპორტული და ახალგაზრდული ღონისძიებები და ინფრასტრუქტურული პროექტები.

„ეს საკითხები ჩვენი მოქალაქეების ინტერესებშია. კერძოდ, დიდი დიღმისა და ვარკეთილის ტერიტორიაზე მულტიფუნქციური ცენტრები შენდება. ასევე, საბურთალოსა და ვაკის პარკში არსებული ჩოგბურთის კორტებისა და დიდ ლილოში ჭიდაობის დარბაზის რეაბილიტაცია მოხდება, ხოლო წყნეთში, სპორტული დარბაზის მშენებლობა და აღჭურვა დასრულდება. ჩატარდება: ახალგაზრდული სპორტული ფესტივალი, კალათბურთის ჩემპიონატი, ოლიმპიური შეკრებები და სხვადასხვა ახალგაზრდული ბანაკი, ლაშქრობა და ტრენინგი“, - განაცხადა გიორგი ჩაკვეტაძემ.

მისივე განცხადებით, ხელისუფლება მხარს უჭერს ინოვაციურ იდეებსა და წამოწყებებს.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 10.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)