არჩილ თალაკვაძე ავაქიანის ძეგლთან დაკავშირებით - ვფიქრობ, საკითხი ამოწურულია და ამასთან დაკავშირებით მე არ ველოდები გართულებებს

საპარლამენტო უმრავლესობის ლიდერის, არჩილ თალაკვაძის განცხადებით, ახალქალაქში მიხაილ ავაქიანისთვის ძეგლის საკითხი იმ ურთიერთობებს, რომელიც საქართველოს აქვს აზერბაიჯანთან და საქართველოს აქვს სომხეთთან, ვერ შეცვლის. ამის შესახებ თალაკვაძემ საკითხის კომენტირებისას განაცხადა.

მისი თქმით, ამ საკითხთან დაკავშირებით გუშინ იყო ძალიან აქტიური განხილვები.

„სენსიტიური საკითხია, რაც აზერბაიჯანელ და სომეხ კოლეგებს შორის იწვევს გარკვეულ უხერხულობას, მაგრამ მინდა გითხრათ, რომ ამ ძეგლის საკითხი იმ ურთიერთობებს, რომელიც საქართველოს აქვს აზერბაიჯანთან და საქართველოს აქვს სომხეთთან, ვერ შეცვლის. მე ვფიქრობ, საკითხი მეტწილად ამოწურულია და ამასთან დაკავშირებით მე არ ველოდები გართულებებს“, - განაცხადა თალაკვაძემ.

შეგახსენებთ, მედიაში გავრცელებული ინფორმაციით, ბაქოში პოლიტიკოსების და საზოგადოების ნაწილის მხრიდან მწვავე რეაქცია მოჰყვა ახალქალაქში, ყარაბაღის ომის მონაწილის, მიხაილ ავაქიანისთვის ძეგლის გახსნას, რომელსაც, არსებული ინფორმაციით, „ქართული ოცნების“ დეპუტატები: ენზელ მკოიანი და სამველ მანუკიანი ესწრებოდნენ.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 20.08.2019
გავლენის ოპერაციები ანუ „მკვლელობათა ჯაჭვი“