მამუკა მდინარაძე - სახელმწიფო უნდა იყოს უკომპრომისო თანამდებობრივ და სამოხელეო დანაშაულთან დაკავშირებით

სახელმწიფო უნდა იყოს უკომპრომისო თანამდებობრივ და სამოხელეო დანაშაულთან დაკავშირებით, - ასე ეხმაურება ფრაქცია „ქართული ოცნების“ თავმჯდომარე მამუკა მდინარაძე, წყალტუბოს საკრებულოს თავმჯდომარის დაკავების ფაქტს.

„ძალიან სამწუხარო ფაქტია, მაგრამ მიუხედავად იმისა, ეს ვინმეს შეაწუხებს თუ არა, სახელმწიფო უნდა იყოს უკომპრომისო თანამდებობრივ და სამოხელეო დანაშაულთან დაკავშირებით. ასევე, უნდა ვთქვათ, რომ მისი დანაშაულის თუ უდანაშაულობის შესახებ საბოლოოდ სასამართლომ უნდა გამოიტანოს გადაწყვეტილება“,- აღნიშნა მდინარაძემ.

სახელმწიფო უსაფრთხოების სამსახურის ინფორმაციით, წყალტუბოს რაიონის საკრებულოს თავმჯდომარემ გრიგოლ ივანეიშვილმა საკრებულოს ყოფილი შენობის წინასწარ შეთანხმებულ ფასად აუქციონზე გატანის სანაცვლოდ ქრთამის სახით 250 000 ლარი აიღო. ამის შესახებ სუს-ის განცხადებაშია ნათქვამი. უწყების ცნობით, დაკავებულს 11-დან 15 წლამდე ვადით თავისუფლების აღკვეთა ემუქრება.

იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
ქართული პრესის მიმოხილვა 07.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ახალი Galaxy Note 20 და Note 20 Ultra წინასწარი შეკვეთა დაიწყო
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში