გერმანიის პოლიციამ დაასრულა ოპერაცია მატარებელში, სადაც ასაფეთქებელ მოწყობილობას ეძებდნენ. მათ ასაფეთქებელი ვერ აღმოაჩინეს, რის შემდეგაც მგზავრებს მგზავრობის გაგრძელების ნებართვა მისცეს. ამის შესახებ „ტვიტერის“ გვერდზე ქალაქ კობლეცის პოლიცია იუწყება.
„ოპერაცია მაინის ფრანკფურტის სადგურზე დასრულებულია. მატარებლის ყველა მგზავრს შეუძლია მგზავრობის გაგრძელება“, - განაცხადეს პოლიციაში.
მანამდე გავრცელებული ინფორმაციით, ჩქარი მატარებლიდან 500 მგზავრის ევაკუაცია განხორციელდა, რისი მიზეზიც ტრანსპორტში ბომბის შესახებ შეტყობინება გახდა. შემოწმების გამო, სამართალდამცველებმა სადგურის ორი გზა გადაკეტეს. ინციდენტმა მატარებლებისა და მეტროს გადაადგილებას პრობლემები შეუქმნა.