იტალიაში თვითმფრინავისა და ვერტმფრენის შეჯახებას მსხვერპლი მოჰყვა

იტალიის ალპებში მცირე ზომის ტურისტული თვითმფრინავისა და ვერტმფრენის შეჯახების შედეგად, 5 ადამიანი დაიღუპა, ორი კი დაშავდა. შეჯახება იტალიის ჩდილო-დასავლეთ რეგიონში, საფრანგეთის საზღვართან ახლოს, ვალიე-დ’აოსტას რაიონში, დაახლოებით 3000 მეტრის სიმაღლეზე მოხდა.

შემთხვევის შემდეგ, ადგილზე სამაშველო ჯგუფები და ორი ვერტმფრენი გაიგზვნა. დაშავებულები საავადმყოფოში გადაიყვანეს. მომხდარის სხვა დეტალები, ასევე ის, თუ რამ გამოიწვია კატასტროფა, ჯერ უცნობია.