ალეკო ელისაშვილი - დიდი დიღმის ამბავი შეაფასა „ყაზტრანსგაზმა“?! ვინმემ დავინახეთ, რომ რომელიმე პასუხისმგებელი პირი გადადგა?!

16 იანვრის ამბავი შეაფასა „ყაზტრანსგაზმა“?! ვინმემ დავინახეთ, რომ რომელიმე პასუხისმგებელი პირი გადადგა, იმ ორი პირის გარდა, რომლებიც გულგრილობის გამო დასაჭერები იყვნენ?!, - ამის შესახებ „სამოქალაქო მოძრაობის“ ლიდერმა ალეკო ელისაშვილმა „პალიტრანიუსის“ გადაცემაში „360 გრადუსი“ განაცხადა.

მისი თქმით, კომპანია „ყაზტრანსგაზს“ პასუხისმგებლობა არც რამდენიმე თვის წინ, ფონიჭალაში მომხდარ აფეთქებაზე აუღია.

„ყაზტრანსგაზი არის კომპანია, რომელსაც რისი ბიზნესი აქვს?! მაგიდას, სკამებსა და თეფშებს რომ აწარმოებდეს, რომელიც შეიძლება, გაგიტყდეს, უხარისხო იყოს და არაუშავს. ეს არის კომპანია, რომელიც საფრთხეს გვიქმნის. ნოემბერში ფონიჭალაში საშინელი შემთხვევა მოხდა, დაიღუპნენ ადამიანები, მცირეწლოვანი ბავშვი. ამის შესახებ „ყაზტრანსგაზს“ საერთოდ არაფერი უთქვამს, არც განცხადება გაუვრცელებია, არანაირი ნაბიჯი არ გადაუდგამს, ვითომც არაფერი.

ამის შემდეგ 16 იანვარს დიდ დიღომში მოხდა შემთხვევა, აქაც მსხვერპლით დასრულდა. 16 იანვრის ამბავი შეაფასა „ყაზტრანსგაზმა“?! ვინმემ დავინახეთ, რომ რომელიმე პასუხისმგებელი პირი გადადგა, იმ ორი პირის გარდა, რომლებიც გულგრილობის გამო დასაჭერები იყვნენ?! როცა კომპანიაში რაღაც ცუდია, ტოპ-მენეჯმენტი, მმართველები ტოვებენ თანამდებობას“, - განაცხადა ალეკო ელისაშვილმა.

იხილეთ ვიდეო

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა