აშშ-ში  ფედერალურმა მთავრობამ მუშაობა დროებით განაახლა

აშშ-ს პრეზიდენტმა დონალდ ტრამპმა ხელი მოაწერა კანონპროექტს, რომელიც 15 თებერვლამდე ფედერალური მთავრობის მუშაობის განახლებისთვის საბიუჯეტო თანხების გამოყოფას ითვალისწინებს.

აშშ-ში ე.წ.შათდაუნი, ანუ ფედერალური მთავრობის მუშაობის შეჩერება 35 დღე გრძელდებოდა.

აშშ-ს პრეზიდენტის აღნიშნული გადაწყვეტილება ნიშნავს, რომ ყველა ფედერალური უწყების მუშაობა განახლდება, ხოლო სახელმწიფო მოხელეები კი, ხელფასს მიიღებენ. აღნიშნულ კანონპროექტს პრეზიდენტმა ხელი თეთრ სახლში დახურულ კარს მიღმა მოაწერა.

„ტვიტერის“ საკუთარ გვერდზე აშშ-ს პრეზიდენტმა დაწერა, რომ დროებითი ბიუჯეტის ხელმოწერა არანაირად არ ნიშნავს მისი მხრიდან დათმობას და ის პატივისცემით ეპყრობა იმ სახელმწიფო მოხელეებს, ვინც ე.წ.შათდაუნის დროს აუნაზღაურებად შვებულებაში იყვნენ გაშვებული.

დონალდ ტრამპმა ასევე ხაზგასმით აღნიშნა, რომ თუ მექსიკის საზღვართან კედლის მშენებლობის დაფინანსებაზე „დემოკრატებთან“ კონსენსუსს ვერ მიაღწევს, შესაძლოა საგანგებო მდგომარეობა გამოაცხადოს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა