ნოდარ ხადური მებაჟეებს პროფესიულ დღეს ულოცავს

საქართველოს კონკურენციის სააგენტოს ხელმძღვანელი ნოდარ ხადური მებაჟეებს პროფესიულ დღეს ულოცავს.

„26 იანვარს საბაჟოს საერთაშორისო დღე აღინიშნება. ჩემთვის დიდი პატივია, საქართველოს კონკურენციის სააგენტოს სახელით, ფინანსთა სამინისტროს შემოსავლების სამსახურის საბაჟო დეპარტამენტის უკლებლივ ყველა თანამშრომელს, მებაჟე-ოფიცერს მოგილოცოთ პროფესიული დღესასწაული. ჩემო მეგობრებო, უმნიშვნელოვანესია თქვენი როლი ქვეყნის ეკონომიკური და საზოგადოებრივი უსაფრთხოების უზრუნველყოფაში. თქვენ, 24 საათის განმავლობაში, ყოველდღიურად, მიუხედავად იმისა, სამუშაო დღეა თუ დღესასწაული, დარი თუ ავდარი, ღირსეულად ასრულებთ თქვენს უფლება-მოვალეობებს და იცავთ საქართველოს ეკონომიკურ საზღვრებს. თქვენმა გამჭრიახობამ, გამოცდილებამ, თავდადებამ ბევრჯერ უამრავი ადამიანის სიცოცხლე და ჯანმრთელობა გადაარჩინა. მინდა მოგილოცოთ საბაჟოს საერთაშორისო დღე. ჯანმრთელობა და წარმატებები გისურვოთ. რომ არა თქვენი მუხლჩაუხრელი, თავდადებული შრომა, საქართველოს არ ექნებოდა ასეთი მოდერნიზებული და ეფექტური საბაჟო უწყება. თქვენთან მუშაობის პერიოდში, ჩვენ ერთად გავიარეთ და დავადასტურეთ ერთი ცნობილი გამონათქვამი "საზღვრები ყოფს, საბაჟოები აერთიანებს". მადლობას გიხდით თითოეული დღისთვის, რომელსაც ჩვენი ქვეყნის ეკონომიკური სუვერენიტეტისა და უსაფრთხოების სადარაჯოზე ატარებთ. იყო მებაჟე, დიდი პატივი და დიდი პასუხისმგებლობაა“, – ნათქვამია მილოცვის ტექსტში.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს