ესპანეთი და საფრანგეთი ხუან გუაიდოს პრეზიდენტად აღიარებენ,  თუ  8 დღეში ვენესუელაში არჩევნები  არ ჩატარდება

თუ რვა დღეში ვენესუელაში თავისუფალი არჩევნები არ ჩატარდება, ესპანეთი ხუან გუაიდოს ვენესუელას პრეზიდენტად აღიარებს, - ამის შესახებ დღეს გამართულ ბრიფინგზე ესპანეთის მთავრობის თავმჯდომარემ პედრო სანჩესმა განაცხადა.

„ვენესუელაში დემოკრატია და თავისუფალი არჩევნები გვსურს. თუ რვა დღის განმავლობაში ვენესუელაში არ ჩატარდება სამართლიანი, თავისუფალი და გამჭვირვალე არჩევნები, ესპანეთი ხუან გუაიდოს ვენესუელას პრზიდენტად აღიარებს“, - განაცხადა პედრო სანჩესმა.

მისივე თქმით, „ვენესუელაში უკვე წლებია ადგილი აქვს პოლიტიკურ, დემოკრატიულ, ეკონომიკურ და ჰუმანიტარულ კრიზისს“.

ზუსტად იგივე პოზიცია დააფიქსირა საფრანგეთის პრეზიდენტმა ემანუელ მაკრონმა.

„ვენესუელელ ხალხს უნდა შეეძლოს თავისუფლად მიიღოს გადაწყვეტილება საკუთარ მომავალზე. თუ რვა დღეში ვენესუელაში არჩევნები არ ჩატარდება, მზად ვიქნებით ხუან გუაიდო ვენესუელას დროებით პრეზიდენტად ვაღიაროთ, რათა ბიძგი მივცეთ პოლიტიკურ პროცესს. ევროპელი პარტნიორები ვმუშაობთ ამაზე“, - განაცხადა ემანუელ მაკრონმა.

შეგახსენებთ, რომ 23 იანვარს ვენესუელას პარლამენტის თავმჯდომარემ და ოპოზიციის ლიდერმა ხუან გუაიდომ თავი დროებით პრეზიდენტად გამოაცხადა. ის ამ სტატუსით უკვე აღიარა: აშშ-მ, კანადამ, არგენტინამ, ბრაზილიამ, კოლუმბიამ, პარაგვაიმ, პერუმ, ჩილემ, ეკვადორმა და საქართველომ.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა