ლევან დავითაშვილი - მწვანე პოლიტიკა და მწვანე ეკონომიკა ჩვენი მთავრობის პრიორიტეტია, ამ პოლიტიკის მნიშვნელოვანი ნაწილია ჰაერის ხარისხის გაუმჯობესება

მწვანე პოლიტიკა და მწვანე ეკონომიკა ჩვენი მთავრობის პრიორიტეტია, ხოლო ამ პოლიტიკის მნიშვნელოვანი ნაწილია ჰაერის ხარისხის გაუმჯობესება და ხარისხის მართვა, - ამის შესახებ ჟურნალისტებს გარემოს დაცვისა და სოფლის მეურნეობის მინისტრმა ლევან დავითაშვილმა საგამოფენო ცენტრ „ექსპო ჯორჯიაში“ დაგეგმილი ღონისძიების წინ განუცხადა.

„ექსპო ჯორჯიაში“ პრემიერ-მინისტრის მამუკა ბახტაძის მონაწილეობით სპეციალური შეხვედრა იწყება, სადაც ატმოსფერული ჰაერის დაცვის პოლიტიკის პრეზენტაცია გაიმართება.

„სუფთა ჰაერი არის მნიშვნელოვანი იმისათვის, რომ მოსახლეობას ჰქონდეს ჯანმრთელობა და საქართველოში იყოს უსაფრთხო ცხოვრების პირობები“, - აღნიშნა ლევან დავითაშვილმა.

მინისტრმა ამ კონტექსტში ხაზი გაუსვა საწვავის ხარისხის გაუმჯობესების და ავტოპარკის განახლების მნიშვნელობას.

გარდა ამისა, როგორც ლევან დავითაშვილმა განაცხადა, შეიქმნა სპეციალური პორტალი, რომლის მეშვეობით ნებისმიერ დაინტერესებულ პირს ექნება შესაძლებლობა უწყვეტად, რეალურ დროში მიიღოს ინფორმაცია ჰაერის ხარისხის შესახებ საქართველოს ყველა იმ ქალაქიდან, სადაც ჰაერის ხარისხზე დაკვირვება მიმდინარეობს.

მინისტრის ინფორმაციით, მიმდინარეობს მოლაპარაკება ევროპის გარემოს დაცვის სააგენტოსთან, რომ საქართველოს ატმოსფერული ჰაერის მონაცემები ჰაერის ხარისხის ევროპულ პორტალზეც უწყვეტ რეჟიმში იყოს ხელმისაწვდომი.

იხილეთ ვიდეო

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 30.03.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი