მამუკა ბახტაძე - ჰაერის დაბინძურებისგან დასაცავად კონკრეტული ნაბიჯები უკვე გადადგმულია, რაც აუცილებლად გაგრძელდება

ჩვენი მთავრობის მწვანე პოლიტიკა არის ქვეყნის განვითარების გრძელვადიანი ხედვა და ცხოვრების ახალი წესი, რაც იმას გულისხმობს, რომ ჩვენ ვუფრთხილდებით და ვუვლით ბუნებას, ვინაწილებთ პასუხისმგებლობას და შედეგად ვიღებთ სუფთა ჰაერს, საბოლოოდ კი - ჯანსაღ გარემოს, სადაც უსაფრთხოდ იცხოვრებენ მომავალი თაობები, - ამის შესახებ

“მწვანე პოლიტიკა” - ატმოსფერული ჰაერის დაცვა“ პრეზენტაციაზე სიტყვით გამოსვლისას საქართველოს პრემიერ-მინისტრმა მამუკა ბახტაძემ განაცხადა.

„რამდენიმე დღის წინ მე საზოგადოებას წარვუდგინე ჩვენი მთავრობის ხედვა გარემოსდაცვით ე.წ. მწვანე პოლიტიკასთან დაკავშირებით. დღეს ცივილიზებული სამყარო შეთანხმებულია, რომ გარემოს დაცვა და მწვანე პოლიტიკის განხორციელება არის უმთავრესი პრიორიტეტი. დღეს პრეზენტაციის დროს ლევან დავითაშვილი წარმოგვიდგენს ჩვენი მწვანე პოლიტიკის ერთ-ერთ ყველაზე აქტუალურ მიმართულებას, რომელიც ატმოსფერული ჰაერის დაცვას შეეხება. მთავრობის მწვანე პოლიტიკა არის ქვეყნის განვითარების გრძელვადიანი ხედვა. უფრო მეტიც, მე ვიტყოდი, რომ ეს არის ცხოვრების ახალი წესი, რაც იმას გულისხმობს, რომ ჩვენ ვუფრთხილდებით და ვუვლით ბუნებას, ვინაწილებთ პასუხისმგებლობას და შედეგად ვიღებთ სუფთა ჰაერს, საბოლოოდ კი - ჯანსაღ გარემოს, სადაც უსაფრთხოდ იცხოვრებენ მომავალი თაობები. როდესაც ლაპარაკია ეკოლოგიაზე და გარემოს დაცვაზე, განსაკუთრებით მნიშვნელოვანია ჰაერის დაბინძურებისგან დაცვა და ამისათვის კონკრეტული ნაბიჯების გადადგმა“, - განაცხადა ბახტაძემ.

მისივე თქმით, ჰაერის დაბინძურება ერთ-ერთი მთავარი გამოწვევაა, რომელიც დღევანდელი მსოფლიოს წინაშე, განსაკუთრებით კი მსხვილ ურბანულ დასახლებებში და სამრეწველო ზონებში დგას და ის სასწრაფო გადაწყვეტას საჭიროებს და, სამწუხაროდ, ამ მხრივ არც საქართველოა გამონაკლისი.

„ჰაერის დაბინძურების მხრივ ყველაზე მეტი პრობლემა მოსახლეობის სიჭარბისა და მანქანების რაოდენობის გამო თბილისს აქვს. ამიტომაც მწვანე ეკონომიკის სტრატეგიის მნიშვნელოვანი ნაწილი სწორედ ჰაერის დაცვისთვის საჭირო კონკრეტულ ღონისძიებებს ითვალისწინებს. ჰაერის დაცვის პოლიტიკას განსაკუთრებული ადგილი ეთმობა ჩვენს განახლებულ სამთავრობო პროგრამაში. ეს გულისხმობს როგორც ევროპულ და საერთაშორისო პრაქტიკაზე დაფუძნებული რეგულაციების შემოღებას, ასევე სხვადასხვა მნიშვნელოვან რეფორმას. უკვე გადადგმული კონკრეტული ნაბიჯები ჰაერის დაბინძურებისგან დასაცავად, რაც აუცილებლად გაგრძელდება მომავალშიც“ , - აღნიშნა პრემიერ-მინისტრმა.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
კომპანია "ლისი დეველოპმენტმა" მთავრობის მიერ შექმნილ StopCov ფონდში 50 000 ლარი გადარიცხა
„ვისოლ ჯგუფი“ თბილისის მერიასთან ერთად მარტოხელა მოხუცებს ყოველდღიური მოხმარების საგნებითა და საკვები პროდუქტებით მოამარაგებს
„სოკარმა“ STOPCOV ფონდის მხარდასაჭერად საქართველოს ბიზნეს ასოციაციაში 200 000 ლარი ჩარიცხა
ბაზისბანკის ვიდეობანკი ციფრული სერვისების გასააქტიურებლად
შპს "ფერიმ" და სს "დარიალი ენერჯიმ" კორონავირუსთან ბრძოლის ფონდს ნახევარი მილიონი ლარი გადაურიცხა
ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება