იანვარში წითელას 716 შემთხვევა დაფიქსირდა

ბოლო მონაცემებით, იანვრის თვეში წითელას 716 შემთხვევა დაფიქსირდა. ამის შესახებ "ინტერპრესნიუსს" დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ განუცხადა. მისივე თქმით, წითელას ინფექციის ყველაზე მაღალი მაჩვენებელი კვლავ ოთხ რეგიონშია. კერძოდ, თბილისში, კახეთში, სამეგრელოსა და იმერეთში.

გამყრელიძის განცხადებით, წითელას ინფექციის გავრცელების დინამიკა მზარდია და მისი შეჩერების ერთადერთი საშუალება აუცრელი ადამიანების ვაქცინაციაა. საუბრისას გამყრელიძემ აღნიშნა, რომ ბოლო ერთი კვირის განმავლობაში ქვეყანაში წითელაზე დამატებით 22 ათასი ადამიანი აიცრა, რაც წითელას ინფექციის შესაჩერებლად დამაიმედებელია.

მისივე თქმით, წითელას ინფექციის შემთხვევების 52% 20-დან 40 წლის ასაკის პირთა შორისაა კონცენტრირებული. გამყრელიძის თქმით, აღნიშნული შესაძლოა უკავშირდებოდეს იმას, რომ ამ ასაკის პირებს 90-იან წლებში არ ჩაუტარდათ ვაქცინაცია, ან ასევე არის 2008 წელს ჩავარდნილი ვაქცინაციის შედეგი, რომლის დროსაც წითელაზე 1 მლნ ადამიანი უნდა აცრილიყო და 450 ათასი ადამიანი აიცრა.

„წითელას გადადების ინდექსი კი 90-დან 100%-მდეა. ანუ, თუ ადამიანი, რომელიც არ არის აცრილი, არის კონტაქტში წითელათი ავადმყოფთან, მას ეს დაავადება აუცილებლად გადაედება", - განაცხადა გამყრელიძემ

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს