ლევან დავითაშვილი სოფლის მხარდაჭერის პროგრამის ფარგლებში ტყვიავის მოსახლეობას შეხვდა

გარემოსა დაცვისა დასოფლის მეურნეობის მინისტრი ლევან დავითაშვილი და შიდა ქართლის გუბერნატორი გიორგი ხოჯევანიშვილი, სოფლის მხარდაჭერის პროგრამის ფარგლებში, სოფელ ტყვიავის მოსახლეობას შეხვდნენ. გარემოს დაცვისა და სოფლის მეურნეობის სამინისტროს ცნობით, მთავრობის გადაწყვეტილებით, მიმდინარე წლის პირველ მარტამდე, სოფლის მოსახლეობა თავად მიიღებს გადაწყვეტილებას სოფლის მხარდაჭერის პროგრამისთვის განკუთვნილი 20 მილიონი ლარის მიზნობრიობის შესახებ. სოფლის მოსახლეობასთან შესახვედრად და მათი მხრიდან საჭიროებების შესახებ ინფორმაციის მისაღებად, სოფლის კრებები მთელი საქართველოს მასშტაბით იმართება.

„მთავრობის გადაწყვეტილებით, კრებას, სადაც სოფლისთვის გამოყოფილი ბიუჯეტების გადანაწილება ხდება, ხელისუფლების წარმომადგენლები ესწრებიან. მოსახლეობას ბევრი აქტუალური საკითხი აქვს მოსაგვარებელი. იმისათვის, რომ ჩვენი პოლიტიკა კიდევ უფრო სახალხო იყოს და კიდევ უფრო მეტად ითვალისწინებდეს იმ საჭიროებებს, რომელიც უშუალოდ სოფლად მაცხოვრებლებს გააჩნიათ, ჩვენ მუდმივი და უშუალო კომუნიკაცია გვაქვს მათთან“, - განაცხადა ლევან დავითაშვილმა.

სოფელ ტყვიავის მოსახლეობის ერთობლივი გადაწყვეტილებით, სოფლის მხარდაჭერის პროგრამის ფარგლებში, ღვთისმშობლის სახელობის ტაძრის ღობის რეაბილიტაცია, სოფლის სტადიონის შემოღობვა და რამდენიმე ქუჩის მოხრეშვა მოხდება.

როგორც შიდა ქართლის გუბერნატორმა, გიორგი ხოჯევანიშვილმა განაცხადა, სოფელ ტყვიავის მცხოვრებთა მიერ სოფლის კრებაზე დაყენებული საკითხები მიმდინარე წელს მოგვარდება.

„ხალხის მოთხოვნის შესასრულებლად, მუნიციპალიტეტი დამატებით თანხებს გამოყოფს“, - განაცხადა გიორგი ხოჯევანიშვილმა.

სოფლის მხარდაჭერის პროგრამაში 3700 სოფელია ჩართული.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს