ისნის რაიონში, წულუკიძის ქუჩაზე ახალი სკვერი და ბავშვთა გასართობი მოედანი  მოეწყო

ისნის რაიონში, ვაზისუბნის ტერიტორიაზე, წულუკიძის ქუჩა N26 კორპუსთან და ვახტანგ გორგასლის სახელობის ტაძრის მიმდებარედ, თანამედროვე სტანდარტების შესაბამისი სკვერი და ბავშვთა გასართობი მოედანი მოეწყო. ინფორმაციას თბილისის მერია ავრცელებს.

საცხოვრებელი გარემოს გაჯანსაღების მიზნით, 1000 კვ.მ. მეტრ ფართობზე, კეთილმოწყობის სამუშაოები ჩატარდა. პროექტის ფარგლებში, სკვერში საბაღე სკამები დაიდგა, დასასვენებელი სივრცეები დეკორატიული საჩრდილობლებით გადაიხურა.

ასევე, გარე განათების სისტემა მოეწყო, საფეხმავლო ბილიკები დეკორატიული ფილებით მოპირკეთდა, საბავშვო ატრაქციონები დამონტაჟდა და სხვადასხვა ჯიშის ხე-მცენარეები დაირგო. სკვერისა და ბავშვთა გასართობი მოედნის ტერიტორია ლითონის ღობით შემოისაზღვრა.

დასრულებულ სამუშაოებს ისნის რაიონის გამგებელი კახა ლაბუჩიძე, ვაზისუბნის მაჟორიტარ დეპუტატებთან ირაკლი აბუსერიძესთან და ლევან დავითაშვილთან ერთად გაეცნო და ადგილობრივ მოსახლეობას შეხვდა.

„წულუკიძის ქუჩის მოსახლეობისთვისსაკმაოდ დიდი რეკრეაციული სივრცე მოვაწყვეთ. აქ გართობისა და დასვენებისთვის ყველა პირობაა შექმნილი. პროექტი ადგილობრივებთან ერთად, მათი ჩართულობით განვახორციელეთ. გარდა ამისა, ჩვენ დეტალურად შევისწავლეთ რაიონში არსებული მდგომარეობა და მიმდინარე წლის ბიუჯეტის ფარგლებში არა ერთი მნიშვნელოვანი პროექტი დავგეგმეთ, რომელთა ნაწილის განხორციელება უკვე დაწყებულია“, - განაცხადა კახა ლაბუჩიძემ.

წულუკიძის ქუჩა N26 კორპუსის მიმდებარედ სკვერის მოწყობის პროექტი ისნის რაიონის გამგეობის ბიუჯეტიდან 94 000 ლარით დაფინანსდა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს