ანა დოლიძე - მაღალი თანამდებობის ზოგიერთ პირს ვერ გაურჩევია, რომ დონორის მიერ მიცემული ფული ხალხისთვის მიცემული ფულია

ძალიან მიკვირს, რომ მაღალი თანამდებობის ზოგიერთ პირს ვერ გაურჩევია, რომ დონორის მიერ მიცემული ფული, ხალხისთვის მიცემული ფულია. ყველა თეთრი ხალხისთვის უნდა იხარჯებოდეს, - ამის შესახებ იუსტიციის უმაღლესი საბჭოს არამოსამართლე წევრმა ანა დოლიძემ „ინტერპრესნიუსს" განუცხადა.

ანა დოლიძე გამოეხმაურა პარლამენტის თავმჯდომარის მიერ „იმედის" ეთერში გაკეთებულ განცხადებას, რომლის თანახმად დოლიძის თქმით, ირაკლი კობახიძე ამბობს, რომ სასამართლოს რეფორმირების საკითხზე თანხები დონორი ორგანიზაციების მხრიდან იხარჯება და არა სახელმწიფოს ბიუჯეტიდან. როგორც ანა დოლიძე აცხადებს, მანამდე მან გუშინ გააკეთა განცხადება, რომ სამუშაო ჯგუფის შეხვედრა, რომელიც სასამართლოს რეფორმირების საკითხზე იმართებოდა, სასტუმრო „რედისონში" თანხა ბიუჯედიდან ტყუილად იხარჯება.

„ყველა თანხა, რომელიც დონორის მიერ არის მოცემული სახელმწიფო ორგანოებისთვის, არის ხალხის ფული.

ბევრად მირჩევნია, რომ ლევან მურუსიძესთან დაუსრულებელ და უაზრო შეხვედრების ნაცვლად, სადღაც გარემონტდეს სკოლა და დაიგოს გზა. დაფინანსების პრიორიტეტები ჩვენი სახელმწიფოს მოლაპარაკების საგანია და როდესაც ვხედავთ, რომ ეს დაფინანსება ტყუილად იხარჯება, ბუნებრივია, ეს არის ხალხისთვის განკუთვნილი ფულის გაფლანგვა. ანუ, ევროსაბჭოს ფული მურუსიძესთან და პალამენტთან შეხვედრაში დახარჯული, არავის ეგონოს, რომ ლევან მურუსიძის და ირაკლი კობახიძის ფულია. ეს არის ქართველი ხალხის ფული.ზუსტად ისე არ უნდა გაიფლანგოს, როგორც ბიუჯეტის ნებისმიერი სხვა ერთეული“, - განაცხადა დოლიძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს