ანა დოლიძის განცხადებით, სასამართლო სისტემაში მოსამართლეთა უვადოდ დანიშვნის პროცესი უნდა შეჩერდეს

იუსტიციის უმაღლესი საბჭოს არამოსამართლე წევრის, ანა დოლიძის განცხადებით, სასამართლო სისტემაში მოსამართლეთა უვადოდ დანიშვნის პროცესი უნდა შეჩერდეს. ანა დოლიძე ჟურნალისტებთან გამოეხმაურა იუსტიციის უმაღლეს საბჭოში უვადო მოსამართლეობის მსურველ კანდიდატებთან გასაუბრების პროცესს, რომელსაც დღეს საბჭოს მდივანი, გიორგი მიქაუტაძეც გაივლის.

ანა დოლიძის თქმით, კონკრეტულად გიორგი მიქაუტაძესთან მიმართებაში ბევრი კითხვა არსებობს, მათ შორის, რამდენიმე წლის წინ, აჭარაში მასსა და ერთ-ერთ მოქალაქეს შორის მომხდარ დაპირისპირებაზე, რომელზეც გამოძიება დასრულებული არ არის.

„წინააღმდეგი ვარ, რომ გაგრძელდეს მოსამართლეთა უვადოდ დანიშვნები. ეს პროცესი ჩვენ აუცილებლად უნდა შევაჩეროთ. საქართველოს პარლამენტარებმა ბევრი ლაპარაკის ნაცვლად რეალურად უნდა მიიღონ ეს გადაწყვეტილება, იმიტომ, რომ ეს უკვე უხერხულობა აღარ არის. ჩვენ, ყოველდღიურად ვაშავებთ, როდესაც გაუმართავი პროცედურით „კლანის" ძალაუფლების ქვეშ ვნიშნავთ ხალხს სასამართლო სისტემაში, რომლებიც დავალებულნი არიან ამ „კლანისგან". აქედან გამომდინარე, მე წინააღმდეგობას გამოვხატავ და არ ვეთანხმები გიორგი მიქაუტაძის, თუ რომელიმე სხვა პირის უვადოდ დანიშვნას. კონკრეტულად გიორგი მიქაუტაძესთან არსებობს რამდენიმე კითხვის ნიშანი. პირველ რიგში, ეს ეხება აჭარაში მომხდარ ინციდენტს. როგორც ვიცი, მიმდინარეობს გამოძიება და სანამ გამოძიება არ დამთავრდება, ეს ლაქა იქნება მოსამართლის ბიოგრაფიაში, თუ მას ჩვენ სასამართლოში დავნიშნავთ",- განაცხადა ანა დოლიძემ.

ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
ქართული პრესის მიმოხილვა 21.09.2020
ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)