NDI-ის გამოკითხვამ აჩვენა, რომ ქვეყანაში არაფერი იცვლება მოსახლეობის საკეთილდღეოდ,- ამის შესახენ „ინტერპრესნიუსს“ ფრაქცია „ნაციონალური მოძრაობის“ თავმჯდომარემ რომან გოცირიძემ განუცხადა.
რომან გოცირიძის შეფასებით, საზოგადოებრივი განწყობილება ზუსტი ანარეკლია იმისა, რაზეც ყოველდღე საუბრობს ოპოზიცია, არასამთავრობო სექტორი და რაზეც მიდის ყოველდღიური მსჯელობა მედიაში.
„არასწორად ვითარდება ქვეყანა და ცუდი მდგომარეობაა სასამართლო სისტემაში, მატულობს დანაშაული, არ მცირდება სიღარიბე, უმუშევრობა, იზრდება ფასები. რა დასკვნა შეიძლება გამოვიტანოთ: ხალხს არა აქვს მომავლის და ხელისუფლების იმედი. კარგია, რომ საზოგადოებაში მატულობს პროდასავლური განწყობა და მიუხედავად ხელისუფლების ბუნდოვანი და ზოგიერთი მაღალი იერარქიის სასულიერო პირის პრორუსული განწყობილებისა, საზოგადოებაში ამან ვერ ჰპოვა გამოძახილი. უფრო პირიქით. ესაა ამ კვლევის სასიამოვნო მხარე",- აღნიშნა რომან გოცირიძემ.