ეროვნულ გამოცდებზე რამდენიმე არჩევითი საგნიდან რომელიმეში ჩაჭრის ან გამოცდაზე არგამოცხადების შემთხვევაში, აბიტურიენტს გრანტის მიღების შანსი მაინც ექნება

2019 წელს ერთიან ეროვნულ გამოცდებში შეიცვლება წესი, რომლის მიხედვითაც, რამდენიმე არჩევითი საგნიდან რომელიმეში ჩაჭრის ან გამოცდაზე არგამოცხადების შემთხვევაში, აბიტურიენტი გრანტის მიღების შესაძლებლობას კარგავდა. ამის შესახებ შეფასებისა და გამოცდების ეროვნული ცენტრის ხელმძღვანელმა სოფო გორგოძემ განათლების, მეცნიერების, კულტურისა და სპორტის მინისტრთან ერთად გამართულ პრეზენტაციაზე განაცხადა. კერძოდ, იმ შემთხვევაში, თუ აბიტურიენტი არჩეული რამდენიმე საგნიდან მაგალითად ერთში საგრანტო ქულას მიიღებს, მაშინ ის სახელმწიფო დაფინანსებას მიიღებს.

საგრანტო დაფინანსების წესი 2020 წელსაც იცვლება, რადგან სავალდებულო საგნების ჩამონათვალში ცვლილებები შედის. კერძოდ, მისაღები გამოცდები ჩატარდება სამ სავალდებულო საგანში: ქართულ ენასა და ლიტერატურასა და უცხო ენაში; ხოლო ჰუმანიტარული მიმართულების შემთხვევაში ისტორიაში, ტექნიკური მიმართულების შემთხვევაში - მათემატიკაში.

ამასთან, 2020 წლიდან ზოგადი უნარების ჩაბარება სავალდებულო აღარ იქნება, თუმცა უნივერსიტეტებს ექნებათ უფლება, არჩევითი გამოცდა დაამატონ (მათ შორის ზოგადი უნარების).

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა