პრემიერმა კომაროვის სკოლის მოსწავლეებს უმასპინძლა, რომლებიც სწავლას აშშ-ის წამყვან უნივერსიტეტებში განაგრძობენ

საქართველოს პრემიერ-მინისტრმა მამუკა ბახტაძემ დღეს კომაროვის სახელობის თბილისის ფიზიკა-მათემატიკური №199 სკოლის დამამთავრებელი კლასის მოსწავლეებს უმასპინძლა, რომლებიც სექტემბრიდან სწავლას ამერიკის შეერთებული შტატების წამყვან უნივერსიტეტებში განაგრძობენ. ამის შესახებ „ინტერპრესნიუსს“ პრემიერ-მინისტრის პრესსამსახურიდან აცნობეს.

მათი ინფორმაციით, მთავრობის მეთაურმა მოსწავლეებს - გიორგი ჩუბინიძეს, გიორგი კლდიაშვილს, ლექსო ბორაშვილსა და ლუკა მდივანს - მნიშვნელოვანი მიღწევა მიულოცა და წარმატებები უსურვა.

შეხვედრაზე კომაროვის სკოლის მოსწავლეებმა პრემიერს მიაწოდეს ინფორმაცია არჩეული პროფესიებისა და იმ მოტივაციის შესახებ, რამაც მათ მიერ უნივერსიტეტების შერჩევა განაპირობა.

გიორგი ჩუბინიძეს (University of Pennsylvania), გიორგი კლდიაშვილს (Massachusetts Institute of Technology), ლექსო ბორაშვილსა ( Lafayette College) და ლუკა მდივანს (Duke Kunshan University) სწავლის საფასურს შესაბამისი უნივერსიტეტები სრულად დაუფინანსებენ. კომაროვის სახელობის სკოლის დამამთავრებელი კლასის მოსწავლეებმა აშშ-ის უნივერსიტეტებში უფასო სწავლის უფლება სასწავლო წლის დასრულებამდე პირველად მოიპოვეს.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 12.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
„სამ რაან სპა-ცენტრი“ ევროპის საუკეთესო სპად დასახელდა