საქართველოს პარლამენტის საგარეო ურთიერთობათა კომიტეტის თავმჯდომარის სოფიო ქაცარავას განცხადებით, ნატო-ს გენერალური მდივნის ვიზიტი საქართველოში არის მკაფიო გზავნილი, რომ ალიანსი მტკიცედ უჭერს მხარს ნატო-ში საქართველოს ინტერგაციას.

„საქართველოს სჭირდება ნატო-ს ძალიან მკაფიო მხარდაჭერა ყველა იმ გამოწვევასთან გასამკლავებლად, რომელთა წინაშეც საქართველო და რეგიონი დგას, ისევე როგორც ნატო-ს სჭირდება სანდო პარტნიორი საერთაშორისო უსაფრთხოების უზრუნველყოფის პროცესში. ნატო-ს გენერალური მდივნის ვიზიტი საქართველოში არის მკაფიო გზავნილი, რომ ალიანსი მტკიცედ უჭერს მხარს საქართველოს ნატო-ში ინტეგრაციას.

ნატო-საქართველოს შორის აქტიური თანამშრომლობა არის ის დინამიკა, რასაც შევინარჩუნებთ და გავაძლიერებთ ქვეყანაში და რეგიონში უსაფრთხოების და სტაბილურობის კიდევ უფრო გასამყარებლად“, - განაცხადა სოფო ქაცარავამ რომლის კომენტარს საქართველოს პარლამენტი ავრცელებს.