ნინო ბურჯანაძე - ქართველი ხალხი ყოველთვის იდგა და იდგება ებრაელი ხალხის გვერდით

„დემოკრატიული მოძრაობა“ იზიარებს იმ დიდ ტკივილს, რომელიც ებრაელ ხალხს ფაშიზმის შედეგად თავს დაატყდა,“ – ამის შესახებ „დემოკრატიული მოძრაობის“ ლიდერმა ნინო ბურჯანაძემ ჰოლოკოსტის მსხვერპლთა საერთაშორისო დღესთან დაკავშირებით განაცხადა. ბურჯანაძის თქმით, ეს ტრაგედია არასდროს არ უნდა განმეორდეს.

„28 იანვარი ჰოლოკოსტის მსხვერპლთა საერთაშორისო დღეა. „დემოკრატიული მოძრაობა“ იზიარებს იმ დიდ ტკივილს, რომელიც ებრაელ ხალხს ფაშიზმის შედეგად თავს დაატყდა. ჩვენ ვამაყობთ იმით, რომ ქართველებს ებრაელებთან თანაცხოვრების 26 საუკუნოვანი გამოცდილება გვაქვს და ამ პერიოდის განმავლობაში არ დაფიქსირებულა ანტისემიტიზმის ერთი ფაქტიც კი.

75 წელი გავიდა მას შემდეგ, რაც ოსვენცინი განთავისუფლდა ფაშიზმის სასტიკი რეჟიმისაგან, რაშიც ძალიან დიდი წვლილი ქართველებსაც მიგვიძღვის. ეს არის ტრაგედია, რომელიც არასდროს არ უნდა დაგვავიწყდეს და არასდროს არ უნდა განმეორდეს. ქართველი ხალხი ყოველთვის იდგა და იდგება ებრაელი ხალხის გვერდით და ჩვენი ერების მეგობრობა კიდევ მრავალ საუკუნეს გასტანს,“ - განაცხადა ნინო ბურჯანაძემ.

აღნიშნულ ინფორმაციას „დემოკრატიული მოძრაობა“ ავრცელებს.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 13.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა
„სამ რაან სპა-ცენტრი“ ევროპის საუკეთესო სპად დასახელდა