სალომე ზურაბიშვილი - თუ დღესვე ვერ გავხდებით ევროკავშირის წევრი, ეს არ ნიშნავს, რომ კულტურის სფეროში ევროპის სრულუფლებიანი წევრი ვერ ვიქნებით

იყო შემოთავაზება, რომ ევროპარლამენტში საქართველოს კვირეული გაიმართოს, - ამის შესახებ ჟურნალისტებს პრესკონფერენციაზე საქართველოს პრეზიდენტმა სალომე ზურაბიშვილმა განაცხადა.

მისივე თქმით, თუ ჩვენ დღესვე ვერ გავხდებით ევროკავშირის წევრი, ეს არ ნიშნავს, რომ ჩვენ კულტურის სფეროში ევროპის სრულუფლებიანი წევრი ვერ ვიქნებით.

„გავწევრიანდით ევროპოლში, მიუხედავად იმისა, რომ არ ვართ ევროკავშრის წევრი. ასეთი სხვა მაგალითებიც ბევრია. ჩვენ უნდა წარვუდგინოთ ევროკავშირს ყველა ის მიმართულება, სადაც მოვითხოვთ, რომ უფრო უშუალო მონაწილეობა მივიღოთ. ასევე ეს ეხება უსაფრთხოების საკითხებს, ჩვენ ვმონაწილეობთ ცენტრალურ აფრიკაში, ვმონაწილეობდით და კიდევ ვართ მალიში. ეს გვაძლევს უფლებას, რომ ბევრად მეტი ადგილი მოვითხოვოთ ამ უსაფრთხოების დიალოგის ფარგლებში. კულტურის სფეროში საქართველოს ადგილი არის ევროპაში. თუ ჩვენ დღესვე ვერ გავხდებით ევროკავშირის წევრი, ეს არ ნიშნავს, რომ ჩვენ კულტურის სფეროში ევროპის სრულუფლებიანი წევრი ვერ ვიქნებით. ამისთვის ჩვენ ყველა მონაცემი გვაქვს, მდიდარი კულტურა, რომელსაც ნელნელა ვაჩენთ ევროპაში. ბევრად მეტი ქართული კულტურა უნდა შევიტანოთ ევროპაში და ამისთვის გვჭირდება ხელშეწყობა და მეტი პროგრამა ევროკავშირის მხრიდან. იყო შემოთავაზება, რომ ევროპარლამენტში საქართველოს კვირეული გაიმართოს“, - განაცხადა სალომე ზურაბიშვილმა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს