საქართველოს საპარლამენტო დელეგაციამ,  აშშ-ის საერთაშორისო განვითარების სააგენტოს წარმომადგენლებთან შეხვედრა გამართა

საქართველოს საპარლამენტო დელეგაციამ, პარლამენტის თავმჯდომარის პირველი მოადგილის თამარ ჩუგოშვილის ხელმძღვანელობით, ვაშინგტონში ოფიციალური ვიზიტი აშშ-ის საერთაშორისო განვითარების სააგენტოს (USAID) ევროპისა და ევრაზიის ბიუროს ადმინისტრაციულ თანაშემწესთან ბროკ ბირმანთან და მის მოადგილესთან ალექსანდრე სოკოლოვსკისთან შეხვედრით დაიწყო. მხარეებმა განიხილეს სამომავლო თანამშრომლობის პერსპექტივები, როგორც გაცვლითი და სასწავლო პროგრამების ფარგლებში ახალგაზრდა პოლიტიკური ლიდერებისთვის, ასევე ოკუპირებულ ტერიტორიებზე ტექნიკური მხარდაჭერის გაძლიერების მიმართულებით.

შეხვედრებზე მხარეებმა ისაუბრეს ქვეყანაში მიმდინარე რეფორმებზე, ორმხრივ ურთიერთობებსა და ამ კუთხით საქართველოს პარლამენტის საზედამხედველო როლის გაძლიერების მნიშვნელობაზე. USAID-ის წარმომადგენლებმა საქართველოს პროდასავლურ ინტერესებს გაუსვეს ხაზი. საუბარი ასევე, შეეხო საქართველოს პარლამენტის გაძლიერებას, განსაკუთრებით, ანალიტიკური მიმართულებით, პოლიტიკური გადაწყვეტილებებისა და საკანონმდებლო ინიციატივების მიღების პროცესში. ამ კუთხით, ამერიკულმა მხარემ საქართველოს პარლამენტის დახმარების ინტერესი გამოხატა და ასევე მიესალმა დელეგაციის ორპარტიულ წარმომადგენლობას.

შეხვედრას საპარლამენტო დელეგაციის წევრები: საქართველოს პარლამენტის თავმჯდომარის მოადგილე გიორგი ვოლსკი, ევროპასთან ინტეგრაციის კომიტეტის თავმჯდომარე თამარ ხულორდავა, საპარლამენტო უმცირესობის ლიდერის მოადგილე ელენე ხოშტარია და ამერიკის შეერთებულ შტატებში საქართველოს საგანგებო და სრულუფლებიანი ელჩი დავით ბაქრაძე ესწრებოდნენ.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 13.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ