სტამბოლთან ახლოს ტანკერი იწვის

სტამბოლთან ახლოს, ჰონგკონგის დროშით მცურავ ტანკერზე ხანძრის შედეგად ორი ადამიანი დაიღუპა და 11 დაშავდა. ამის შესახებ CNN Turk სტამბოლის გუბერნატორის ოფისზე დაყრდნობით იუწყება.

ხანძრის გაჩენის მიზეზი ამ დროისთვის უცნობია. ადგილზე მისულმა მეხანძრეებმა ხანძრის ლოკალიზება შეძლეს.

დაშავებულთაგან ერთ-ერთის მდგომარეობა უკიდურესად მძიმეა. ქალაქის პროკურატურამ მომხდარზე გამოძიება დაიწყო.