შეფასებისა და გამოცდების ეროვნული ცენტრის დირექტორის სოფო გორგოძის თქმით, განათლების რეფორმის მიმდინარეობის პროცესში, ცენტრი მზად არის ყველა დაინტერესებული მხარის პოზიცია მოისმინოს.
„ჩვენ ღია ვართ შენიშვნებისა და განსხვავებული მოსაზრებების მოსმენისთვის. ეს არის სამუშაო პროცესი და ამ პროცესში ჩართულია ყველა დაინტერესებული მხარე. შეხვედრები გაგრძელდება უმაღლესი სასწავლებლების წარმომადგენლებთან, განათლების ექსპერტებთან და სკოლის წარმომადგენლებთან, რათა შემოთავაზებული მოდელი მაქსიმალურად დაიხვეწოს. ჩვენთვის მნიშვნელოვანია, რომ სასწავლო პროცესის ორიენტირი არ იყოს გამოცდა და საგამოცდო სისტემა იყოს სამართლიანი ყველა აბიტურიენტის მიმართ“, - განაცხადა სოფო გორგოძემ ჟურნალისტებთან საუბრისას.