თამარ ჩუგოშვილი - კონგრესში გამართული შეხვედრები გვაძლევს საფუძველს ვიფიქროთ, რომ ჩვენი ქვეყნის მიმართ აშშ-ს კონგრესში მხარდაჭერა უფრო გაძლიერდება

ძალიან პოზიტიური გამოხმაურება, რომელიც დღეს ჩვენ კონგრესში გამართული შეხვედრების შემდეგ მივიღეთ, გვაძლევს საფუძველს ვიფიქროთ, რომ ჩვენი ქვეყნის მიმართ მხარდაჭერა ამერიკის შეერთებული შტატების მთავარ საკანონმდებლო ორგანოში -კონგრესში უფრო გაძლიერდება, - ამის შესახებ პარლამენტის თავმჯდომარის პირველმა მოადგილემ თამარ ჩუგიშვილმა კონგრესის ახლადარჩეულ წევრებთან შეხვედრების დასრულების შემდეგ განაცხადა.

პარლამენტის პრესსამსახურის მიერ გავრცელებული ინფორმაციით, საქართველოს საპარლამენტო დელეგაცია, თამარ ჩუგოშვილის ხელმძღვანელობით, ამერიკის შეერთებულ შტატებში ოფიციალური ვიზიტის პირველ დღეს ახლადარჩეულ კონგრესმენებს: მაიქელ გესტს, რას ფიჩერს და სილვია გარსიას შეხვდა.

თამარ ჩუგოშვილის განცხადებით, ამერიკის კონგრესში ძალიან მნიშვნელოვანი და საინტერესო შეხვედრა გაიმართა, სადაც საქართველოს მიმართ ორპარტიული მხარდაჭერა მკაფიოდ დაფიქსირდა.

“ჩვენ გვქონდა შეხვედრები კონგრესში ჩვენს კოლეგებთან, ახლადარჩეულ კონგრესის წევრებთან, რომლებსაც ამ ეტაპამდე მცირე ინფორმაცია ჰქონდათ ჩვენი ქვეყნის შესახებ. ძალიან გვჭირდება, რომ მათი მხარდაჭერა საქართველოს მიმართ იყოს ძლიერი, ისევე როგორც კონგრესის ბევრი სხვა წევრის. ეს მხარდაჭერა არის ორპარტიული - მხარს გვიჭერენ, როგორც რესპუბლიკელები, ასევე დემოკრატები და შესაბამისად, ახლადარჩეული კონგრესმენების, კონგრესის წევრი ქალების მხარდაჭერა ჩვენს ქვეყანას ძალიან სჭირდება. სწორედ ეს შეხვედრები გვეხმარება, რომ ორპარტიული მხარდაჭერა კონგრესში დარჩეს ისეთი ძლიერი როგორიც ტრადიციულად, ჩვენი ქვეყნის მიმართ იყო. დღეს ჩატარებული შეხვედრები ძალიან პოზიტიურად შემიძლია შევაფასო და შემიძლია ვთქვა, რომ ის ადამიანები, ვისაც ველაპარაკე ნამდვილად შეგვიძლია მოვიაზროთ როგორც ჩვენი ქვეყნის მეგობრები“, - აღნიშნა ჩუგოშვილმა.

ვიზიტის პირველ დღეს, საპარლამენტო დელეგაციის წევრები აშშ-ის საერთაშორისო განვითარების სააგენტოს (USAID) დირექტორის მოადგილეს ბროკ ბირმანს, საერთაშორისო რესპუბლიკური ინსტიტუტის (IRI) პრეზიდენტს დენიელ ტვინინგს და ორგანიზაცია “ეროვნული წვლილი დემოკრატიისთვის“ (NED) პრეზიდენტს, კარლ გერშმანს შეხვდნენ.

თამარ ჩუგოშვილის განცხადებით, აღნიშნული ორგანიზაციების წარმომადგენლებმა გამოხატეს მზადყოფნა კიდევ უფრო გაღრმავდეს საქართველოსთან თანამშრომლობა და ჩვენი ქვეყნის მხარდაჭერა.

“გვქონდა შევედრა აშშ-ის საერთაშორისო განვითარების სააგენტოს (USAID) წარმომადგენლებთან, რომლებიც წლებია მილიონობით ამერიკულ დოლარს ხარჯავენ ჩვენი ქვეყნის განვითარებისთვის. შესაბამისად, მათი მხრიდან, რა თქმა უნდა, გაჟღერდა სურვილი და ამოცანა, რომ კიდევ უფრო გაღრმავდეს თანამშრომლობა და საქართველოს მხარდაჭერა. ასევე, გვქონდა შეხვედრა იმ ორგანიზაციების წარმომადგენელებთან, რომლებიც წლებია საქართველოში მუშაობენ. ეს არის საერთაშორისო რესპუბლიკური ინსტიტუტი და ორგანიზაცია „ეროვნული წვლილი დემოკრატიისთვის“. ეს ორივე ორგანიზაცია არასამთვარობო ორგანიზაციაა, ისინი სახელმწიფო უწყებებს არ განეკუთვნებიან, თუმცა აქტიურად მუშაობენ ჩვენს ქვეყანასთან და ბუნებრივია, რომ ძალიან კარად იცოდნენ რა მოვლენები ვითარდება ქვეყანაში და როგორ მივდივართ წინ“,-აღნიშნა პარლამენტის თავმჯდომარის პირველმა მოადგილემ.

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 02.04.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
"ლიბერთი" მომხმარებელზე ზრუნვას განაგრძობს
“ემბისიმ“  3-თვიანი საშეღავათო პერიოდით სარგებლობის მსურველთა ყველა განაცხადი დააკმაყოფილა.
"კერხერ-საქართველომ" ინფექციური პათოლოგიისა და შიდსის ცენტრს საჩუქრად "კერხერის" პროფესიონალური ორთქლის აპარატი გადასცა
KFC ექსკლუზიურად "ვოლტზეა"
"საქკაბელის" პროდუქციის შეძენა ვებ გვერდზე უკვე დისტანციურად არის შესაძლებელი
D ვიტამინის დეფიციტი და მწვავე რესპირატორული ვირუსული ინფექციები
"ვენდის" და "დანკინის" რესტორნები მუშაობის ახალ გრაფიკზე გადადის
სადაზღვევო კომპანია „ბენეფიტსი“ 5000 პსრ ტესტის ჩასატარებელ ნაკრებს ლუგარის კვლევით ცენტრს გადასცემს
„საქართველოს ბანკის“ მობილბანკი ფინანსური ოპერაციების შესრულებისას ნაკლებ ინტერნეტს მოიხმარს
სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი