საქართველოს პარლამენტის განათლების და კომიტეტის თავმჯდომარე მარიამ ჯაში მიიჩნევს, რომ თუკი ხდება „მე-11 კლასის გამოცდების გაუქმება, არათანაბარ პირობებში ვაყენებთ მე-12 კლასის მოსწავლეებს".

როგორც ჯაშმა საკითხის კომენტირებისას აღნიშნა, საკითხის განხილვა დეტალურად გასვლით სხდომაზე 13-15 თებერვალს მოხდება.

„თუკი ჩვენ ვაუქმებთ მე-11 კლასის გამოცდას, მრჩება კითხვები, რატომ ვტოვებთ მე-12 კლასის გამოცდას წელს ერთჯერადად, როდესაც ხდება სისტემური ცვლილება. ამიტომ, დამატებითი განხილვა მექნება მიხეილ ბატიაშვილთან. საბოლოო გადაწყვეტილება 13- დან 15 თებერვლამდე გვექნება მიღებული გასვლით სხდომაზე, სადაც ჩვენ დავამტკიცებთ საკანონმდებლო და საპარლამენტო ზედამხედველობის სამოქმედო გეგმას",- განაცხადა მარიამ ჯაშმა.

შეგახსენებთ, რომ 2019 წელს მე-11 კლასის გამოსაშვები გამოცდები გაუქმდება, 2020 წელს კი - მე-12 კლასისაც.