ირაკლი კობახიძე ქართული ძიუდოს ისტორიის შესახებ გადაღებული დოკუმენტური ფილმის ,,ძველი კიმონოს" პრეზენტაციას დაესწრო

კიდევ მეტი წარმატება გვინდა ძიუდოში განსაკუთრებით და ამისთვის, ვფიქრობ, რომ ყველაფერი კეთდება, რაც გასაკეთებელია, - განაცხადა პარლამენტის თავმჯდომარემ ირაკლი კობახიძემ ფილმის პრეზენტაციაზე. მისივე თქმით, ახალი დოკუმენტური ფილმი თავის წვლილს შეიტანს სპორტის პოპულარიზაციაში.

„თამამად შეიძლება ითქვას, რომ საქართველოში განსაკუთრებულად უყვართ, ზოგადად, სპორტი და თავისი გამორჩეული ადგილი აქვს, რა თქმა უნდა, ძიუდოს. ჩვენი ინტერესია მაქსიმალურად განვითარდეს, ზოგადად, სპორტი ჩვენს ქვეყანაში. კიდევ მეტი წარმატება გვინდა ძიუდოში განსაკუთრებით და ამისთვის, ვფიქრობ, რომ ყველაფერი კეთდება, რაც გასაკეთებელია.

ძალიან მნიშვნელოვანია სპორტის პოპულარიზაცია და ეს ფილმიც თავის წვლილს შეიტანს, ბუნებრივია, სპორტის პოპულარიზაციაში. მინდა წარმატებები ვუსურვო ქართულ სპორტს, ჩვენს სპორტსმენებს და ჩვენს ძიუდოისტებს“,-განაცხადა პარლამენტის თავმჯდომარემ.

როგორც „ინტერპრესნიუსს“ პარლამენტის პრესსამსხურიდან აცნობეს, საქართველოს ეროვნული ოლიმპიური კომიტეტის პრეზიდენტმა, ლერი ხაბელოვმა მადლობა გადაუხადა ირაკლი კობახიძეს ფილმის პრეზენტაციაზე დასწრებისთვის.

„ძალიან მნიშვნელოვანია, რომ დღეს პატივი დაგვდეთ ბატონო პარლამენტის თავმჯდომარე და მობრძანდით ფილმის ჩვენებაზე. ეს კიდევ ერთხელ ხაზს უსვამს, რომ ჩვენ სპორტი გვაინტერესებს და გვაინტერესებს წარმატებები“, -განაცხადა ლერი ხაბელოვმა.

დოკუმენტური ფილმი ,,ძველი კიმონო", რომლის პრეზენტაცია საქართველოს ოლიმპიურ კომიტეტში გაიმართა, ძიუდოს ქართული კლუბის ,,ბლექ თაიგერის" და ლატვიური კლუბის ,„ლიდოს" ერთობლივი პროექტია.

ფილმის ჩვენებას ესწრებოდნენ: პარლამენტის წევრები, მოქმედი და ვეტერანი ძიუდოისტები, ძიუდოს მწვრთნელები, საქართველოს ოლიმპიური კომიტეტის წარმომადგენლები, მოწვეული სტუმრები ლატვიიდან, გერმანიიდან და უკრაინიდან.

ფილმის პრეზენტაციის შემდეგ, პარლმენტის თავმჯდომარემ, ირაკლი კობახიძემ საქართველოს ოლიმპიური მუზეუმიც დაათვალიერა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს