გერმანელმა სამართალდამცველებმა ერაყის სამი მოქალაქე დააკავეს, რომლებიც ტერაქტის მომზადებაში არიან ეჭვმიტანილი.

ამის შესახებ ინფორმაციას გერმანული მედია ავრცელებს.

არსებული ინფორმაციით, სამი ერაყელი დევნილი შლეზვიგ-გოლშტეინის ფედერალური მიწის ტერიტორიაზე დააკავეს. დაკავებულებმა ინტერნეტში ასაფეთქებელი მოწყობილობის მომზადების ინსტრუქციები გამოაქვეყნეს და ამისთვის საჭირო მასალების შეძენაც დაიწყეს.

გამოძიების ინფორმაციით, ეჭვმიტანილები ალტერნატიულ ვარიანტად ასევე განიხილავდნენ ტერაქტის განხორციელებას.

აღნიშნული პირები გერმანიაში 2015 წელს ჩავიდნენ. ძალოვან სტრუქტურებში მიიჩნევენ, რომ ისინი მომზადების ადრეულ ეტაპზე იმყოფებოდნენ.