გაერთიანებული ოპოზიციის „ძალა ერთობაშიას“ ლიდერი გრიგოლ ვაშაძე საქართველოში ევროკავშირის ელჩს, კარლ ჰერცელს შეხვდა. ამის შესახებ „ინტერპრესნიუსს“ „ერთიანი ნაციონალური მოძრაობიდან“ აცნობეს.
„შეხვედრის ფარგლებში მხარეებმა ქვეყანაში მიმდინარე პროცესებზე, რუსეთის ფედერაციის მხრიდან ოკუპაციის ხაზის გადმოწევაზე, დემოკრატიული ინსტიტუტების ჩამოშლასა და არსებულ მძიმე ეკონომიკურ მდგომარეობაზე ისაუბრეს. ასევე, გრიგოლ ვაშაძემ ელჩს ხელისუფლების მხრიდან წარმოებულ პოლიტიკურ დევნასა და დავით კირკიტაძის მიმართ შერჩევითი მართლმსაჯულების ფაქტზე მიაწოდა ინფორმაცია“, - ნათქვამია „ნაციონალური მოძრაობის“ მიერ გავრცელებულ ინფორმაციაში.