Euractiv - ნატო-ს ქვეყნების ელჩებმა მაკედონიის ალიანსში გაწევრიანების პროტოკოლი დაამტკიცეს

ნატო-ს ქვეყნების ელჩებმა მაკედონიის ალიანსში გაწევრიანების პროტოკოლი დაამტკიცეს. ამის შესახებ ინფორმაციას გამოცემა Euractiv წყაროზე დაყრდნობით ავრცელებს.

გამოცემის ინფორმაციით, ალიანსში ნატო-ს წევრი ქვეყნების 29 წარმომადგენელი თავიანთი ქვეყნების ნებართვას ელოდებიან პროტოკოლის ხელმოსაწერად.

პროცედურის თანახმად, აღნიშნული პროტოკოლის ხელმოწერის შემდეგ ის ნატო-ს წევრი ქვეყნების პარლამენტებს დაეგზავნება რატიფიცირების მიზნით.

ნატო-ს ოფიციალურმა წარმომადგენელმა თავის მხრივ განაცხადა, რომ მაკედონიის ნატო-ში გაწევრიანების შესახებ პროტოკოლის ხელმოწერის თარიღი უახლოეს დღეებში გახდება ცნობილი.

შეგახსენებთ, რომ 25 იანვარს საბერძნეთის პარლამენტმა დაამტკიცა მაკედონიასთან მიღწეული შეთანხმება, რომლის თანახმად, მას ამიერიდან რესპუბლიკა ჩრდილოეთ მაკედონია ეწოდება. აღნიშნულის სანაცვლოდ საბერძნეთი არ დაბლოკავს მაკედონიის ევროკავშირში და ნატო-ში გაწევრიანებას. ნატო-ში მიიჩნევენ, რომ მაკედონიის ალიანსში გაწევრიანება 2020 წლის გაზაფხულს იქნება შესაძლებელი.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს