ნინოშვილის ქუჩაზე მცხოვრებლებმა თბილისის მერიასთან აქცია გამართეს

ნინოშვილის ქუჩაზე, ყოფილი 35-ე სკოლის მიმდებარედ მცხოვრები მოქალაქეები კორპუსის მშენებლობის წინააღმდეგ გამოდიან. ამ მოთხოვნით მოქალაქეების ნაწილმა თბილისის მერიასთან საპროტესტო აქცია გამართა.

როგორც აქციის ერთ-ერთმა მონაწილემ ირაკლი მურღულიამ „ინტერპრესნიუსთან“ საუბრისას განაცხადა, ყოფილი 35-ე სკოლის ტერიტორიაზე მშენებლობა დაუშვებელია და მშენებლობის ნაცვლად პარკის გაშენება უნდა მოხდეს.

"ვითხოვთ, რომ მერიამ ოფიციალურად უარი უთხრას " მ2"-ს იმ განაცხადზე, რომლითაც კომპანია ითხოვს 40 ათას კვადრატული მეტრის მშენებლობას. ქონების მართვის სამსახურმა წინასწარ მისცა თანხმობა, რომ „მ2“ -მა შეათანხმოს განაშენიანების რეგულირების გეგმა. ვითხოვთ, რომ მერიამ ნებართვაზე უარი უთხრას და დაიწყოს მუშაობა რათა აქ მოეწყოს სკვერი", - განაცხადა აქციის მონაწილემ ირაკლი მურღულიამ.

აქციის მონაწილეებს თბილისის ვიცე-მერი ირაკლი ხმალაძე გამოეხმაურა. მისი თქმით, ნინოშვილის ქუჩაზე მშენებლობა არ მიმდინარეობს და მოქალაქეთა პროტესტი მისთვის გაუგებარია.

"აღნიშნულ საკითხზე ჩვენ დაახლოებით ორი თვის წინ გვქონდა განცხადებები გაკეთებული. „ცენტრ პოინტის“ დაზარალებულების საკითხის დარეგულირების თემა იკვეთებოდა. მერიამ განცხადება გააკეთა, რომ დაბალანსებული გადაწყვეტილება იქნება მიღებული და არ დაზიანდება არც ადგილობრივი მცხოვრებლების და არც „ცენტრ პოინტის“ საკითხების გადაჭრა. მე აქციის გამართვის მიზეზს ვერ ვხედავ. როდესაც აქციას მართავენ ან იმ მომენტში უნდა ვიღებდეთ მშენებლობაზე გადაწყვეტილებას, ან მეორე მიზეზია რომ შეხვედრას ითხოვენ.

ჩვენ ამ შემთხვევაში არც ნებართვა გვაქვს გაცემული და არც შეხვედრის პრობლემა გვაქვს მოქალაქეებთან", - განაცხადა ირაკლი ხმალაძემ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა