გიორგი ტყემალაძემ პოლონეთის ელჩთან შეხვედრა გამართა

თბილისის საკრებულოს თავმჯდომარემ გიორგი ტყემალაძემ საქართველოში პოლონეთის რესპუბლიკის ელჩთან მარიუშ მაშკიევიჩთან გაცნობითი ხასიათის შეხვედრა გამართა, - ამის შესახებ „ინტერპრესნიუსს“ თბილისის საკრებულოდან აცნობეს.

მათივე ინფორმაციით, გიორგი ტყემალაძემ და მარიუშ მაშკიევიჩმა თბილისსა და ვარშავას შორის ურთიერთობების კიდევ უფრო გაღრმავებასა და სამომავლო თანამშრომლობის შესახებ იმსჯელეს.

თბილისის საკრებულოს თავმჯდომარემ პოლონეთის ელჩს საქართველოს აქტიური მხარდაჭერისთვის მადლობა გადაუხადა და განაცხადა, რომ ქართველ და პოლონელ ხალხს განსაკუთრებული მეგობრობა და სიახლოვე აკავშირებთ.

თავის მხრივ მარიუშ მაშკიევიჩმა გიორგი ტყემალაძეს მოწვევისთვის მადლობა გადაუხადა და განაცხადა, რომ თბილისი პოლონელი ხალხისთვის ერთ-ერთი ყველაზე პოპულარული ქალაქია, სადაც ყოველ ნაბიჯზე იგრძნობა, რომ პოლონელ საზოგადო მოღვაწეებს პატივს სცემენ.

დღესვე თბილისის საკრებულოს თავმჯდომარემ და პოლონეთის ელჩმა სამომავლოდ, კიდევ უფრო მჭიდრო თანამშრომლობის გაღრმავებისა და ერთობლივი პროექტების განხორციელების აუცილებლობაზე ისაუბრეს.

შეხვედრის დასასრულს მხარეებმა სამახსოვრო საჩუქრები გაცვალეს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა