ქსელის გეგმური სარეაბილიტაციო სამუშაოების გამო, 31 იანვარს, 09:00 საათიდან 18:00 საათამდე, ელექტროენერგიის მიწოდება შეეზღუდება აბონენტებს დუშეთის რაიონის სოფლებში ჭართალი, მუგუდა, უკანა მხარი, სონდა, ვაშლობი და მიმდებარე სოფლებში.

ამის შესახებ „ინტერპრესნიუსს“ „ენერგო-პრო ჯორჯიადან“ აცნობეს.

კომპანიის ინფორმაციით, 12:20 საათიდან 18:30 საათამდე, შეზღუდვა შეეხება აბონენტებს მცხეთის რაიონის სოფლებშიც, კერძოდ: მუხრანი, ციხისძირი, პატარა ქანდა, ხიდისყური, სოფელი დიღომი, ზემოუბანი, ჯიხურები მთის ჰაერი, ზემო ვეძისის ტერიტორია და მიმდებარედ. კომპანიაში განმარტავენ, რომ სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.