დეპუტატ დავით ჭიჭინაძის ოჯახის წევრები, მისი მეუღლე და რძალი შინაგან საქმეთა სამინისტროში გამოკითხვაზე იმყოფებიან.
საქმე ეხება შსს-ს მიერ დაწყებულ გამოძიებას, რომელიც პირადი ცხოვრების საიდუმლოს ხელყოფის ფაქტზე მიმდინარეობს.
დავით ჭიჭინაძის ოჯახის წევრები საგამოძიებო უწყებაში შესვლამდე მედიასთან არ გამოჩენილან.
შინაგან საქმეთა სამინისტროში 28 იანვარს დეპუტატი დავით ჭიჭინაძეც დაიკითხა, რომლის ინფორმაციითაც, პირადი ცხოვრების ამსახველი ჩანაწერი მისი ოჯახის წევრებმა სოციალური ქსელით მიიღეს. გამოძიება სსკ-ის 157-ე პრიმა მუხლით მიმდინარეობს, რაც პირადი ცხოვრების საიდუმლოს ხელყოფას გულისხმობს.
შეგახსენებთ, რომ გავრცელებული ინფორმაციით, საპარლამენტო უმრავლესობის წევრ ეკა ბესელიასთან დაკავშირებით სოციალურ ქსელში პირადი ცხოვრების ამსახველი ჩანაწერი გავრცელდა. ეკა ბესელია ამ თემაზე საგამოძიებო ორგანოებს რეაგირებისკენ მოუწოდებს.